Duita students muri kina paishey Ashoka University te; ekta toh hostel building pra jump mari shey: Cops 

Sonipat, 16 February 2025: Ashoka University te puri thaka duita students Haryana’s Sonipat te, muri kina paishey Friday din aro Saturday din rati te, police khan pra koishey. Ekjun toh hostel building laka 10^th floor pra jump mari shey aro ekta toh university laka gate osor te muri kina paishey. Dhruv Jyoti Sahu, 20 saal, Telangana laka manu, taila life khotom kuri dishey hostel building laka 10^th floor pra jump mari kina, tai thaka building te, Sonipat ACP Vipin Kumar pra koishey, aro koishey tai second-year undergraduate student thaki shey.

Tai pra koishey, Friday din 10pm nishina te, moikhan khobor paishey ki ekta student 10^th floor pra jump mari shey Ashoka University hostel building pra. Moikhan jaka toh punchi shey. Tai toh second-year undergraduate student thaki hey Telangana pra, enika koishey. Saturday din te 2:30 am nishina te, Vignesh Guda Sah (19), Karnataka pra ekta second-year undergraduate student, taila body paishey university gate osor te, official pra koishey. 

Etu hoi kina, university khan pra police ke janai dishey, kun jaka te punchi shey aro twin deaths toh investigate kura shuru hoishey. Jaka te suicide note paishey. Police khan pra bodies toh Civil Hospital te phatai dishey post-mortem examination karne. Victims laka ghor manu khan ke hatsa hwa toh janai dishey.