August 11, 2024: Ekta asurit laga ghatna tey, duita teenage chukra khan para toh hoiley suicide kuri loishey, Thahekhu Village tey. Itu dui jon laga body toh hoiley kunba aha jawa kuria manu para paishey koi asey, 8:00 para 8:30 majetey, August 11th, 2024 tey. Itu teenage chukra laga body toh hoiley gaas tey hang hoi kena thaka laga thakishey koishey, kun khan laga naam toh hoiley Züngkam Yimkhuing, aged 16 years laga chukra, tai toh hoiley Kutur Village, Tuensang district under laga thakishey aru ekta toh Tokivi Yeptho, aged 19 years, tai toh hoiley Khatara Village laga asey, Zunheboto district under tey. Tai khan laga parivar khan para post mortem kuriboley manna kuridishey, aru itu body toh hoiley tai khan laga respective bosti khan tey loi jaishey.
Duita Teenage Chukra Khan Suicide Kuri Loishey, Thahekhu Bosti Tey
Add Comment