Agencies:Tuesday din para North Tripura district laga Churaibari Railway Station bishi hazar patients khan bimar sabole ahishe. Etu toh Duniya laga first hospital train, “Lifeline Express,” North Tripura te aha nimite ase.Lifeline Express toh train healthcare service ase. Etu Lifeline Express toh Impact India Foundation, Indian Railways aro Ministry of Health laga joint initiative ase. Etu Lifeline Express toh 1991 te suru kurishe.Wednesday te indianexpress.com, Lifeline Express Joint Director Anil Premsagar logote kotha kora hesab te hospital train service toh local manu khan para bhal response paishe koishe. First dui din te hazar opor manu ahishe koishe.Mr. Anil koishe ami khan first din te 400 patients receive kurishe. Aro dusra din te 600 patients opor paishe koishe. Lifeline Express laga idea toh disabilities thaka manu khan ke diagnostic, medical aro advanced surgical treatment dibo ase aro punchibo napara rural jaga khan te medical service punchai dibo karne ase.
Hospital tarin te treatment pa khan majote 77 cataract patients identify kurishe. Etu 77 patients khan kali surgery kuribo ase.Premsagar correspondent ke koishe emi khan etiya tok te 77 cataract patients paishe. Ami khan kali pra surgery suru kuribo. Train hospital para suku aro kan laga conditions, plastic surgery, orthopedic surgery aro treatment of oral, breast aro cervical cancer laga surgery Lifeline Express te kure.
CMO Jagadish Chandra Nama koishe Churaibari te egharota(11) health department personnel pothaishe. Health department personnel khan ke train laga board authorites khan ke assit uribole pothaishe. Etu toh bishi bhal service ase aro ami khan sob side para etu ke modot kuribo. Churaibari Assistant Station Superintendent Prasanta Bhattacharjee para train toh December 16 te Tripura te aha khobor kurishe. Hospital train toh Tuesday din pra treatment toh suru kurishe aro aha saal January 06 tok services toh continue kuribo.Agote Lifeline Express toh Tripur laga Kumarghat railway station te tai laga base kuribo thakishe. Hoile bhi siding line nathaka karne aro Kumarhat te Food Corporation of India (FCI)kaam laga problem para train toh Churaibari te he jaishe.Train laga services toh Churaibari te Tuesday para suru hoishe. Etu train service toh North Tripura district magistrate Raval Hamendra Kumar para suru kurishe.Etu hospital train toh 1.30 lakh surgeries kurishe aro 10 lakh opor patients khan laga treatment kurishe. Etu treatment toh Out Patient Department (OPD) te kurishe. Etu toh desh laga 20 states para 184 districts te kurishe.
Add Comment