New Delhi, 14 January : James Cameron laga Avatar: Fire and Ash laga dangor success pora, filmmaker tu khali Hollywood history laga sobse dangor money earners majot wapas ahise nohoi, kintu duniya bhar laga box office kings aru queens laga landscape bhi pura change kori dise. Film laga success uporte bhorsa kori, 37-saal laga Zoe Saldana cinema history laga sobse highest-grossing actor hoi uthise, last saal new Jurassic World film laga success pichete top spot loi thaka Scarlett Johansson ke pichete thokai dise.
Avatar: Fire and Ash duniya bhar te $1 billion pora besi collection kora pichete, Zoe Saldana laga total box office gross $15.5 billion te pohorise. Itu tai ke Scarlett pora age loi jai dise, juntu second spot te $15.4 billion logot thaki ase. Zoe sob time laga seven ta highest-grossing films pora char ta te kaam korise, jiman top 3 bhi thaki ase. Tai laga tin ta Avatar films mila kene $6.6 billion collection ase.
Itu chara, Zoe Marvel Cinematic Universe films te Gamora hisab te bhi appear korise. MCU te tai laga films mila kene $7.5 billion pora besi earn korise. Tai Star Trek films te bhi acting korise.
Actor tu etiya bhi itu amount barha bole chance ase, jitia tai etu saal later Avengers: Doomsday te appear koribo ase. Tai ahibo laga duita baki Avatar films te bhi star koribo buli expect kora hoi ase.
Sob time laga highest-grossing actors laga list age 1960s tak Clark Gable aru John Wayne nisina leading men pora lead kora hoise. 1990s te Arnold Schwarzenegger aru Sylvester Stallone top spot te lagatar change kori thakise.
MCU shuru hua pichete Samuel L Jackson top position loi thakise, kintu last saal Scarlett tai ke pichete thokai dise. Samuel etiya bhi third spot te ase, tai pichete Robert Downey Jr aru Chris Pratt ase. Chris Hemsworth, Vin Diesel aru Chris Evans bhi top 10 te thaka MCU actors ase. Itu list te non-MCU actors khali duijone ase – Tom Cruise (#6) aru Dwayne Johnson (#10).
Add Comment