Agencies, 17 July: Friday din Prime Minister Narendra Modi koise, Duniya te India be ekta besi COVID-19 recovery rates ase aro etu chamela thaki-thaka samai te 150 opor desh ke motob korise. PM para etu kotha toh UN Economic and Social Council session laga High-Level Segment te koise. Virtual keynote address te PM Modi koise, COVID-19 pandemic para United Nations laga “rebirth and reform” nemide chance deshe.
UN event te via video link para kotha kora samai Prime Minister koise, UN bona laga 75th Anniv ersary toh opai ase aji kali laga duniya te role aro relevance nemide sabole.
Tai koise, etiya UN para 193 member desh toh membership logode eki ana bechide organization para expectations be dangor hoise.
PM koise, etu samai te multilateralism toh besi challenges para dekthari pai ase. India toh multilateralism para sustainable peace aro prosperity kamiyaab hobole biswas ase. Hoilebe multilateralism toh contemporary world laga reality te represent koribo lakibo.
PM koise, khali reformed mulitilatralism toh reformed United Nations logode centre te humanity laga asporations te lok koribole paribo.
COVID-19 pandemic te shaijai kena PM Modi koise, India toh region te first responder nemide thaki. Earthquakes, cyclones nahoile tusara natural nahoile man-made crisis te, India toh speed aro solidarity logode jawab dae. Ami khan laga fight COVID-19 kelaaf te, ami khan para 150 opor desh ke medical aro tusara assistance deshe. Ami khan para be ami khan laga neighbourhood te SAARC COVID emergency fund bonaishe. Tai koise, COVID-19 pandemic para sob desh laga resilence te gara para test korise. India te, ami khan para pandemic kelaaf people”s movement koribole kosish korise, government aro society melikena.
Add Comment