Duniyaa sob laga Covid-19 cases 37 million oper hoise

October 11, 2020. Saturday din te, Duniyaa sob laga Covid-19 cases toh 37 million pongchesi koikena Johns Hopkins University laga Center for Systems Science and Engineering (CSSE) para junai thishe. CSSE data hesab te Duniyaa te bemari cases toh 37,003,414, ase aro 1,069,836 manuh morikena ase. Duniyaa pihtor te United States toh bemari aro manuh mora te sobse ase. Bemari cases toh 7,689,358 te ase aro manuh mora toh 214,004 hoikena ase. United States beche te India te 6,979,423 beamri cases ase. Etu bechete Brazil te 5,055,888 bemari cases ase aro manuh mora te second besi wala 149,639 hoikena ase. Desh kaun te 810,000 bemari cases oper ase etu desh khan toh Russia, Colombia, Argentina, Spain, Peru aro Mexico ase. Etu samay India, Mexico, Britain aro Italy te 36,000 oper manuh morikena ase, koikena center para khobor thishe. United State te notun bemari cases utha paiase. CSSE hesab te, Friday din te Duniyaa sob te notun cases toh 57,420 paikena thakishe. Wednesday din para loikena desh pura te 50,000 oper cases khobor paa toh tin(3) din wala hoiase koishe.