AGARTALA | October 22, 2018 (PTI):Tripura te Durga Puja luwa time etu haafta komti hoilebi 7 ta cases maiki khan uporte crime huwa etu te rape kura aro kuribole kosish aro molest kura laga cases khan register kurishe .Etu state laga alag alag district October 14 pora October 19 tak etu cases khan register kurishe . Bishalgarh Sipahijala district 20 km akhe jaikena October 15 ekta theng haath thik nathaka chokri ke ekta 50 sal mota pora rape kurishe .Police khan koikena janaishe . Kakrabon Gomati district te duita manu pora ekta 16 sal maiki ke thurikena October 17 te .Police khan pora etu maiki ke bachaikena etu mota ke thurishe .Aro Protection of Children from Sexual Offences Act (Pocso Act) bithor te etu manu laga khilaaf ekta case register kurishe . West Tripura district Lalit Bazaar te ekta tribal maiki ke molest kurishe Thursday din te char jun pora .Etu accused khan ke thurishe .Police khan koikena janaishe . West Tripura Jirania juwan chokra laga group khan pora ekta chokri ke rape kuribole kosish kurishe October 16 te.Etu te ekta accused ke thurishe.Ekta 40 sal maiki koise tinta manu pora tai ke molest kurishe tai laga Moloynagar village te thaka ghor te.Etu jaka toh Agartala, pora 10 km akhe jaikena ase . West Tripura Gokulnagar te ekta 35 sal maiki pora ekta case kurishe Dusshera evening te .Tai pora dui jun ke bodnam kurishe tai molest kura nimete .
Add Comment