New Delhi, 4 March : India, Dutch legend Taeke Taekema ke national women’s hockey team laga dragflickers logot short-term basis te 2028 Los Angeles Olympics tak kaj kuribole anise.
Taekema, February 10 para 16 tak ekta seven-day camp cholai dise India laga FIH Pro League campaign agey, jun Bhubaneswar te hobo. Itu tournament te, India England, Germany, Netherlands aru Spain logot kheli dise.
Itu camp te Deepika, Manisha Chauhan, Sonam, aru Annu milaikena, kunba junior players bhi attend kuri thakise.
Camp laga focus, technical skills improve kuribole aru Taekema laga guidance nimite dragflick accuracy shikhibole thakise.
Indian women’s team laga chief coach Harendra Singh koi dise ki itu camp players khan karone bishi beneficial hoise aru Taekema, Los Angeles Games tak short-term basis te kaj kuribo.
Harendra, Deepika laga performance improve hoise itu acknowledge kuri dise.
Coach laga vision outline kurikena, tai aim ase ki Deepika aru Manisha ke world-class flickers banabo.
Taekema, 45 saal laga ase, aru tai laga playing days te, penalty-corner precision nimite bishi famous thakise.
Tai Netherlands men’s team karone 94 matches kheli thakise aru 170 goals mari dise, aru 11 saal nimite team te thakise. Tai dunia laga eku bishi dangor penalty corner specialists te ekjon hisebe manishe.
Tai, 2002 aru 2006 Champions Trophy, 2006 World Cup, 2008 Olympic Games, aru 2010 FIH World Cup milaikena, bishi international tournaments te top scorer thakise.
2022 para 2024 tak, Taekema China women’s team laga assistant coach bhi thakise.
Add Comment