Agencies, 04 January: Nagaland Chief Minister Neiphiu Rio para Dzukou Valley te aerial survey toh Tuesday (05 Jan 2020) te lobo. Etu toh jui hatsa howa te sabo nemite lobo.
Etu khobor janaikena Chief Minister para situation te deal koribole nemite melikena kosish toh kori ase aro Nagaland side te besi phak control toh korise koise.
Rio para be kali (Tuesday) tai toh Dzukou valley te aerial survey lobo koise kelay koile joi toh Nagaland aro Manipur te phela nemite.
Din te, Kohima Divisional Forest Officer (DFO) – Rajkumar para December 29 direk ecologically sensitive Dzukou Valley, Nagaland te jui ola toh etiya control te ase koise.
Rajkumar para dangor team work toh action te ase koise kelay koile joi aro phela te control koribole nemite.
Ground operations toh Nagaland Police, Forest Department, National Disaster Response Force (NDRF), State Disaster Response Force (SDRF) aro Southern Angami Youth Organization (SAYO) volunteers para loise.
Dzukou Valley te jui ola laga ashol karan toh najani kena ase hoilebe etu jui ola toh trekkers nahoile campers para tai khan camp te jui na-metai deya para howa hobo pari bhabona/suspect ase.
Dzukou Valley toh Nagaland-Manipur interstate border te ase. Etu toh seasonal flowers aro flora & fauna nemite famous ase. Valley toh Dzukou Lily nemite famous ase aro etu toh etu Valley te he pai.
Add Comment