Kohima, 30 November: Department of Information Technology & Communication, Nagaland para 30th November 2019 deh e-Naga Summit laga 5th edition loise. Etu toh theme “towards making the State of Nagaland a leader in e-democracy & Digital Society” pithor deh loise.
Advisor, IT&C, Science & Technology aro NRE, Mmhonlumo Kikon koise, world class resource persons aro experts logode etu summit toh etiya Naglaand deh organise korise. Etu toh hoile IT aro e-Governance sector para progress kora kobole aro state deh aro phal hobo nemide platform deya laga ase. Tai koise, aji kali laga duniya deh e-Governance aro IT toh kaam laga role kori ase. Etu toh society deh transparency, efficiency anibole aro public services ke effective cose debo nemide ase.
Mmhonlumo aro koise, 21 Century deh, etiya notun society toh othi ase. Tati capital aro labour nahoi kena knowledge toh primary resources ase aro kamiyaab hobole laga ke toh etiya besi superior technology deh ase. Alak alak type laga technology deh etiya information technology toh human activity laga sob area deh jolai.
Tai koise, ami khan laga society deh innovative, creative aro entrepreneurial nemide jawaan manu toh lakae. e-Naga Summit toh ekta platform ase. Tati resource persons aro experts para jawan manu khan besi giyaan pabole paribo. Thek policies aro human capital deh investments nemide ami khan jawaan manu laga socio-economic development nemide aro ami khan laga economy development neide empower kuribole paribo. Tai koise Nagaland laga government para IT culture aro digital society othabo nemide para tak sob motob toh debo kelay koile state deh economy aro socio-economic development hobo nemide.
Special guest, Ambassador of Estonia to India, Katrin Kivi koise, 2015 bechide Department of IT&C of Nagaland para etu summit toh loi ase. Estonian Experts toh e-Naga Summit deh fourth sal nemide part loi ase. Naglaand government toh Estonian e-Governance Academy logode MoU sign korise. Eu five-sal agreement laga main objective toh Nagaland deh e-Governance Academy develop kuribole aro scientific collaboration dangor kuribole nemide ase. Tai para etu nesana topic toh ektum laga ase koise.
Kohima WiFi City laga Phase 1 toh Advisor Urban Development & Municipal Affairs, Dr. Neikiesalie Kire para programme laga second session deh suru korise.
Add Comment