January 10, 2024 : Additional Deputy Commissioner & Electoral Registration Officer, Kohima, Rhosietho Ngouri, NCS meeting thakishey political parties khan laga representatives khan logo DC’s conference hall para 10 January 2024 tey aru E-ROLL laga final publication sob political parties khan ke teishey.
Ngouri para koishey ki final publication roll tey, total electoral asey 121880 tatey 58515 toh male asey aru 63365 toh female electoral khan asey. tai para alag alag political parties laga representatives khan ke acknowledged kurishey tai khan laga help, support, aru cooperation karney, revision laga kaam toh time tey complete kuribo parishey. Tai para mention kurishey ki electoral roll tey deletion aru addition be hoishey aru tai koishey clean election karney koishey ki clean election toh start kurey clean e-roll para.
Tai para informed kurishey list of amendments draft kura laga electoral roll Western Angami-1, 9- Kohima Town, 10- Northen Angami-1, 11-Northen Angami- II, 14 Southern Angami- I aru 15-Southern Angami -II Assembly Constituencies khan prepared kurishey 01/01/2024 laga qualifying date laga reference loikena. Electors Rules 1960 laga hesab tey. Itu updated electoral roll aru list of amendments khan toh published kurikena asey aru itu khan toh inspection karney tai laga office tey available thakibo.
Add Comment