EAC Longmatra para inform kurisey

EAC Longmatra para inform kurisey ki Longmatra aro etu laga aas-paas te thaka busti laga manu khan nimitey ekta Aadhaar Enrolment Camp rakhi asey 6^th to 8^th March, 2025 taak. Etu camp para sob eleigible candidate khan nimitey  nutun Aadhaar enrolment, update aro  correction te modod kuribo.

Aadhaar enrolment kora tu alag alag government scheme aro service khan laga subidha pabole nimitey jaruri asey. Longmatra laga sob manu ke etu opportunity laga faida uthabole koisey. Bhal para coverage kuribole nimitey etu busti khan te  3-din laga Adhaar Camp rakhibole asey: 6^th March 2025 te Sanphure busti te, 7^th March 2025 te Longmatra busti te aro 8^th March 2025 te Azetso busti te. 

Etu laga aas-paas te thaka sob busti khan ke taikhan laga nijor-nijor jag ate etu camp attend kuribole request kuriasey. Taikhan laga convenience hisap te aro facility diya tu lobole request kuriasey. 

Etu jaga khan laga Village Councils aro VDBs khan ke Aadhaar enrolment team khan tatey thaka homoitey, taikhan nimitey jaruri bondobod kuribole request kurisey. Eku doubt thakisey koiley aro doubt clear kuribole nimitey, EAC, Longmatra laga office te contact kuribi.