New Delhi, October 30 : External affairs minister S Jaishankar para Monday din te utu 8jun former Indian Navy laga parivar khan ke lok kurisey kun khan ke Qatari court para mora laga sajai hunaisey aro biswas dilaisey ki sarkar para taikhan ke azad kuridibole nimitey pura kosis kuribo.
Etu parivar khan ke lok kora tu Qatar’s Court of First Instance para etu 8jun manu laga case te taikhan laga faisla hunaikina 4 din hoija picheyte asey kun khan ke August 2022 te etya tak bi declare nokora laga iljam te arrest kurisey. India aro Qatar duita para bi etu manu khan laga against te iljam laga laga details diyanai. Hoilebi reports para suggest kurisey ki etu manu khan ke jasoosi kora laga iljam te arrest kurisey.
Jaishankar para etu 8jun manu laga parivar ke lok kora picheyte X te enaka post kurisey, “Aji phujur te Qatar te arrest hoikina thaka 8jun manu laga parivar khan ke lok kurisey. Etu kotha te jor disey ki sarkar para etu case te sobsey bisi dhyan di asey. Parivar khan laga chinta aro dukh ke pura puri share kuri asey.”
Tai para koisey ki etu manu khan laga parivar ke tai para janaisey ki Government para taikhan ke tatey para azad kuridibole nimitey kosis kuri thakibo Aro etu nimitey taikhan laga parivar logotey osor para milikina kaam kuribo.”
Etu mamla laga jankari thaka manu khan para koisey ki Jaishankar para etu parivar khan ke janaisey ki sarkar para etu 8jun manu ke tatey para release kuribole nimitey pura support dibo
Add Comment