BEIJING: East China te Sunday te ekta Electronic factory blast howa te saathjun morise aro aalag panchjun manu jokhom paise, local authorities khan pora koise.
Etu blast toh Kunshan, Jiangsu province te factory laga export processing zone te biya loha khan rakhiya laga container te jui olai kena hoise, local government pora tai khan laga official WeChat social media account te koise.
Etu Statement te koise ki Kunshan Waffer Technology Corp. Ltd laga bahar te howa hatsa ke jaach kori ase.
Etu storage unit laga jui toh osor laga factory workshop te phelise, tai khan pora koise, aro jokhom powa panchjun majote ekjun toh biya halat te ase.
Etu hatsa toh China laga sobse khatarnak industrial hatsa ekta howa ek habta bichhete ase, kono te ekta chemical plant bhooti kena 78 jun manu morise aro ekso pora besi manu khan jokhom paise.
Yancheng laga eastern city laga ekdam khatara blast pora industrial park laga konoba building khan keraise, osor te thakiya ghor khan laga window phangaise aro loha pora bona garage darwaja bi jebta korise.
Etu pora State Council, China laga cabinet, ke desh bhar te chemical firms khan ke suraksha jaach korible aadesh dibole korise.
China te khatarnak industrial hatsa toh hoi thakiye, kile koile suraksha laga kanun besi kara nahowa nimite.
November te, Zhangjiakou laga ekta plant te gas leak howa pora 24 jun manu morise aro aalag 21 jun jokhom paise.
Add Comment