Ebola virus elaj loboli, US para manishe

October 15, 2020. Wednesday din te, U.S. regulators para Ebola elaj nemite first tawai choboli manishe. Food aro Drug Administration para Regeneron Pharmaceuticals para bona taiwai Zaire Ebola virus toh bacha aro tangor manuh khan ke te elaj kora samay choboli, Food aro Drug Administration para manishe. Etu bemar toh besi kara ase ke, bemar manuh khan ke 60% to 90% morai dey. Etu tawai toh 4 pithor te ekta ase tested korishe. Congo te June moina te bemari kotom nahowa ake te 2,300 manuh ke morai thishe. Study kora samay manuh khan logot  Regeneron’s Inmazeb nohoile second experimental tawai toh dishe. Study kora toh samay napongcha agae te kotom hoishe, etu para manuh khan etu tawai toh chobo pare. Regeneron elaj toh tinta antibodies thaki, etu para virus ke morai dey. “ketai etu tinta tawai virus logot melabo, virus toh harijai” koikena Leah Lipsich para koishe,. Leah toh Regeneron’s global program infectious diseases te head ase. Ebola toh lakiboli asani ase aro bemari manuh laga goon para pheli thaki. Tai laga bemar sign toh sorti, kasha, muscle pekabo, vomit koribo, kidney aro liver beya hobo aro ketaiba toh bahar aro pithor para goon olai. Food aro Drug Administration para Ebola nemite vaccine toh first Jaa saal December moina te olaishe aro etu para tawai bonaboli soru hoishe koishe.