Agencies, 20 June: Iran’s ultra-conservative cleric aro judiciary chief Ebrahim Raisi ke toh Iran laga eighth president hisab te elect korise. Etu khobor toh desh laga interior ministry para June 19, 2021 te janaideya thakise.
Ministry para Ebrahim Raisi toh recent Presidential Election samai 61.95 percent laga vote para jetishe koise. Election te sob melikena voter aha toh 48.8 percent thakise aro etu toh 1979 revolution samai para presidential election nemite sobse komti aha (tornout) laga ase koise.
Ebrahim Raisi para office toh early August te lobo aro tai moderate President Hassan Rouhani laga jaga te putli hobo. Hassan Rouhani ke toh Iranian constitution para third consecutive term nemite mana nai.
Raisi ke 28,933,004 votes paise, aro former Revolutionary Guard commander Mohsen Rezaei toh 3,412,712 votes para third te kothom hoise.
Etu bechite moderate candidate Abdolnasswer Hemmati (,427,201 votes) aro conservative Amir Hossein Ghazizadeh Hashemi (999,718 votes) thakise.
Add Comment