New Delhi: Monday in te Election Commission (EC) para Kerala te tinta(3) Rajya Sabha seats kali thaka nemite etu moina olop din thaka beche April 30 darik te election loboli ase junaishe. Poll panel para detailed press note te “Kerala state te members khan April 21 darik te retire howa nemite biennial election toh thakibo”. Kaun khan seats para kori ase etu khan toh Abdul Wahab (IUML), KK Ragesh (CPI M) aro Vayalar Ravi (Congress) ase koishe. Election Commission laga notification hesab te Tuesday din te koishe polling toh April 30 darik 9am para 4 pm dak thakibo. Rajya Sabha polls te votes toh tu din sham te count kori thaki. Etu seats nemite election kam koriboli oh olop din akhe te EC para rokaina thakishe. Poll panel para notun fesla lowa toh hoile, etu eke din te Kerala High Court para tinta(3) Rajya Sabha seats nemite biennial election toh thakiboli janishe. Eu beche Election Commission para koishe ke, Law Ministry para “no remit” koishe aro Rajya Sabha elections oper te eku fesla deya nai. Monday din laga press note te constitutional propriety sawal korishe. Khobor hesab te, tinta(3) seats nemite Rajya Sabha election toh April 12 darik te thakiboli thaka ase. Members of legislative assembly para Rajya Sabha members ke juni koishe. Assembly para jai-jaa MLAs pithor te ruling LDF khan majority ase aro tai khan para tinta(3) notun members toh junibo Kerala assembly elections toh April darik te loishe aro vote counting toh May 2 darik te thakibo. Rajya Sabha te elections toh retire hoboli members laga term kotom nahowa akhe te loi thaki koishe.
Add Comment