AGARTALA | May 8, 2019:Wednesday din te Election commission khan para May 12 re lobole thaka Lok Sabha election laga 6th phase luwa time te repolling lobi koikena order dishe .
Olop akhe te Tripura West parliamentary constituency laga 168 booths te luwa laga polling toh invalid kuridishe .Official statement te Election commission koishe sob materials aro circumstances khan sai kena Sub-Sections (2) Section 58 Representation of the People Act, 1951 laga bithor te invalid kuri dishe .
Etu te koishe ki April 11 2019 te luwa polling 168 polling stations 1-Tripura West parliamentary constituency nimete luwa toh invalid thakibo aro May 12 7 am para 5pm tak fresh polls lobole nimete koishe.April 11 te Tripura booths khan te congress aro CPI-M khan para complaint kurishe West Tripura constituency laga election time te nohoa kura karne.
Etu duita party para Bharatiya Janata Party (BJP) ke booth capture aro intimidation nimete bodnam kurishe aro constituency te repoll mangishe .IANS para khobor dishe .
Khobor olai thakishe ki judi EC khan para fresh polls nohoile toh repolls etu constituency laga 50 percent booths khan te luwa nai koile toh SC logote jabo koikena janaishe.
EC para state’s Chief Electoral Officer (CEO) ke polling areas khan te publicity kuribi aro official khan ke politics parties khan ke etu fresh polls laga khobor janaidibi koikena janaishe .
Etia Tripura West parliamentary constituency laga repolling nimete paramilitary force para 15 companies khan ke dhalishe.
Add Comment