New Delhi, November 14 : Election Commission of India para sob rajneetik party khan ke taikhan para electoral bond laga through para pa donation laga details tu November 15 laga 5pm tak te submit kuribole yaad dilaisey. Etu reminder tu, Tuesday laga 5pm te issue hoisey aro Novemebr 3 te te diya order ke wapas dohraisey kuntu ke Supreme Court para November 2 te order diya picheyte issue kurisey.
Supreme Court para ECI ke etu scheme suru huwa homoi para issue kora sob electoral bond khan laga detail jankari November 19 tak te ekta seal kurikina thaka packet te submit kuribole koisey.
April 2019 te order diya tu Supreme Court para November 2023 te laga order te wapas dohraisey. Etu order te ECI para sob rajneetik party khan ke ekta ekta bond ke kun para donate kurisey taikhan laga details dibole koisey, “etu sob bond laga kimat aro sob bond laga against te poisa pa khas kurikina etu poisa khan dhala bank account laga jankari aro etu poisa dhala laga tarik khan laga jankari dibole koisey.”
Sob rajneetik party khan para etu jankari tu Binod Kumar, secretary, election exoenditure division, ECI ke double seal kurikina thaka cover te pathabole aro etu ke “Confidential-Electoral Bond” koikina mark kuribole lagibo.
January 2018 te etu scheme laga notification ola homoi para electoral bond khan bikri kora aro kina logotey jurikina thaka sob data ke EC laga haath te dibo lagey.
Add Comment