Bihar,2 August 2025: Election Commission of India (EC) 2 August 2025 te Bihar karne draft electoral roll release korishe, ekta month laka Special Intensive Revision (SIR) process piche te. Manu khan ke 1 September 2025 tak time di ase jodi kunuba nam miss ase nai to kunuba detail wrong ase, to claim nohoilebhi objection file kuribo paribo.
Details ase:
Bihar te total voter thake 7.89 crore, aru 7.24 crore voter forms collect korishe, juntu 91.7% participation dikhai.
Around 65 lakh voter nam delete korishe, aru total voter number komti jaishe 7.24 crore tak. Delete kora voter khan majot ase: death declare kora, migrate kora, duplicate entry aru “untraceable” voter.
Delete kora majot, 22 lakh voter already mora declare kora ase, aru 45 lakh voter zinda thaka bhi list te missing ase. Etu khan voter khan claim file kuribo pare, specially organized camp te nohoile to online te.
Election Commission 35 lakh voter untraceable declare korishe, juntu majot ase migrant, duplicate, aru deceased voter. Around 1 lakh voter etia tak untraceable ase, aru baki forms digitization process te ase.
EC 38 district te physical aru digital draft roll political party khan ke share korishe. EC clear korishe jodi kunuba name remove kora ase to reason likhi ke he kora jabo. Public khan ke request korishe nijor detail verify kuribo official EC website nai ECINet App upor te.
Etu update public majot discussion uthai ase. Kunba manu doubt uthai ase ki migrant worker aru minority community khan laka naam bishi remove hoishe. Karone Aadhaar card aru ration card ke single proof hisap te accept na kora hoishe. Supreme Court bhi warning dishe ki jodi bishi manu laka naam hataishe to court intervene kuribo.
Add Comment