Economic crisis laka samoi aheshe.

Alaka beshi jakha te economic crisis beshi common hoi ase aro edu khan sob manjor te aji kali amekhan dekhe bat oh Sri Lanka te independence  ba batchode sobse biya wala economic crisis edia face kure ase. Edu laka dukh toh kali kha lua te he nahoi, fuel te bhi dukh bai ase aro kha lua baka laka gas karne bhi beshi shortage hoishe. Aro kha lua te he nahoi, hospitals kha te bhi doctors khan bara patient beshi komdi, mani limited surgeries khan he loi ase kindu hospitals te dawai komdi hoi jaishe. Aro education laka authorities khan bara millions students khan laka examination lobole thakia bhi cancel kuredeshe kindu exam lekhebo karne paper komdi hoi jaishe. Eneka samoi te alak countries laka motut lobole lakae. Kindu public khan karne eneka dukh te kha lua eman dam hoile keneka thakibole baribo. Kha lua bhi dam hoishe aro bakabole gas bhi eman dam hoi jaile eneka condition laka mamla te joldi solutions nahile beshi dukh laka samoi aro dekhebole ase. Sri Lanka bara foreign coutry kha ke edia tak te $7 million dibole ase koishe ,hoilebe edu baki toh sob derai kina he  nejor laka jakha te saman khan laka dam lomdi kurebole bhabna thakeledo edu tak te public khan laka life te beshi dektar hobole ase. Eneka situation te Sri Lanka laka government bhi eman beshi din karne toh public ke dukh nadi kina joldi bara economic toh keneka balance hoi jabo edu laka solutions joldi busarebole lakae. Kindu boisa eman baki thakia toh kedia derai kina khodom hobo edu toh eku dekana nai. Edu bara baria tak baki bhi asdi asdi derai thakibole lakae aro edu de alak countries khan bara loan nahoile financial aid loile beshi bahal hobole ase. Kindu kali public khan ke eneka kha lua aro furl aro alak saman khan ke boisa othai kina dukh kuri diya toh beshi dukh laka khobor ase. Dangor manu khan toh edu laka mamla tee ne aram bara adjust kurebole barebo hoilebe saile boisa nathakia khan, chotu motu kam kura khan aro thanka komdi bara family balia khan laka bhi bhabna kurebole lakae. Kindu khan lua dam hua karne ,beshi manu khan kenebole nabari kina bhat nakhai kina bhi komai thakibole bari. India bara edia tak $ 2.4 billion laka assistance mange she aro edu te $ 400 million toh RBI currency te bodli kureshe, aro $ 500 million loan mangeshe aro alak kha saman aro fuel aro dawai karne bahar bara anebole koishe. Experts khan bara kua hisab te Sri Lanka laka economic crisis toh balance hobole beshi time lobo aro beshi asan toh nahobo eneka koi ase.  Hoilebe eku nahoi edu duniya te kiman dangor problems thaki lebe, edu khan sob karne solutions toh ase aro edai edia eneka nahoilebe asdi bara edu laka economic crisis  toh bahal hoi jabo . Governemnt khan bhi saman khan shortage hua karne boisa uthai diya laka mamala te public khan eman dukh bat oh janebole lakae aro baria tak joldi bara alak countries bara baria tak assistance lobole kosish kurebole laake , eneka nahoile edu laka crisis toh balance hobole beshi deri lobole ase . Kindu motut lakia samoi te motut loile he edu economic crisis toh bahal wala hobole ase.