ED para Saradha Group laga saman Rs 6.28 Cr attached

NEW DELHI: Friday din Enforcement Directorate (ED) para Assam te Saradha Group laga Companies para illegal Ponzi schemes connection te Money Laundering case registered kora te Rs 6.28 crore saman attached korishe koishe. Enforcement Directorate (ED) para etu kam kora toh hoile, alag-alag law enforcement agencies para Saradha Group companies oper te FIRs aro charge sheets filed kora nemite sections 120B aro 420 of IPC pithor te booked korishe. Investigation kora samai, ED para janishe ke, Saradha Group companies para etu kam koribo nemite alag-alag movable aro immovable saman invested korishe. Etu case pithor te sob melaikena proceeds of Crime (POC) para Rs 41.46 crore jenishe. Olop din akhe ED para aro etu group laga five immovable saman Rs 4.35 crore daam toh attached korikena ase. Saradha group para chit fund scam toh 2013 saal dak te West Bengal, Assam and Odisha te spread korikena ase. Etu company para hazar depositors logot cheat korikena etu illegal schemes para tangor wabas thiboli promise korishe koishe. Anti-money laundering agency para 2013 saal te Kolkata Police FIR toh study korikena etu group logot criminal case filed korishe. Enforcement Directorate (ED) laga khobor hesab te aro janaishe ke, etu group company para sob melaikena Rs 2,459 crore neshina loishe, etu pithor te interst jarikena Rs 1,983 crore neshina toh depositors khan logot wabas nakorikena ase koishe.