New Delhi, January 16: British pop star Ed Sheeran, kun tailaga hit gana ‘Perfect’ aro ‘Shape of You’ nimitey jana jai tai para Saturday te Delhi-NCR te ekta concert kurisey. Delhi-NCR aro desh laga alag alag jaga para hazar opor manu Leisure Valley Ground te Ed Sheeran laga ‘The Mathematics Tour to India’ laga last performance ke attend kuribole ahisey.
Indian singer Lisa Mishra para etu concert laga opening kurikina etu evening laga mood banaidisey. Tailaga performance khotom huwa picheyte, tatey jama huwa manu khan Ed Sheeran ke perform kora dikhibole rukhibo napara hoisey. Lisa Mishra laga performance picheyte aro adha ghonta maan intazaar kora picheyte, Ed Sheeran tu stage te ‘Delhi’ likhikina thaka ekta T-shirt pindikina ahisey. Mnau khan para tailaga swagat tu tali bajaikina aro chilaikina kurisey.
Ed Sheeran para etu evening te sobsey first ‘Castle on the Hill’ gana kurisey. Etu picheyte tai para bhir ke kotha kurisey. Tai para etu koisey ki tai India laga alag alag jag ate perform kuribole mon thakisey. Tai para India te poila te kora concert khan tu khali Mumbai te hey hoi thakisey.
Tai para enka koisey, “Ami India te tour nimitey first time 2015 te aha homoitey amikhan Mumbai te perform kurisey. Next time amikhan ahisey, aro Mumbai te perform kurisey. Aro next time ahisey, Mumbai te hey perform kurisey. Juwa bar aha homoitey ami para enaka koisey, ‘Amikhan dusra jaga te perform kurile kinaka hobo?’Taikhan koisey, ‘Apni next kotey perfrom kuribole mon asey?’ Ami para koisey, ‘Next time, amikhan Mumbai ke charikina dusra sob jaga te perform kuribo. Amikhan India laga sob seher te jabo.”
Ed Sheeran para tailaga ‘Mathematics Tour to India’ tu January 30 te Pune para suru kurisiley. Etu tour te tai 6ta seher te perform kurisey: Hyderabad, Chennai, Bengaluru, Shillong aro Delhi NCR.”
Add Comment