Eddie Murphy confirm kurishe ki tai Inspector Clouseau laka role kuribo Pink Panther film te

Los Angeles, 29 July 2025: Hollywood superstar Eddie Murphy official announce kurishe ki tai “The Pink Panther” film franchise laka next part te famous Inspector Jacques Clouseau role lobo. Etu role first time popular hoishe Peter Sellers logot original film series te, aru later Steve Martin bhi khelishe 2000s te. Murphy NBC laka Today show te appearance dia time announce korishe: “Moi Inspector Clouseau hobo Pink Panther film te.” Tai confirm korishe: “Hoi, moi notun Clouseau ase.” Kitia tai ke puchishe ki Clouseau itia bhi French thakibo naki, Murphy maja mari kina koishe: “Hobo pare… French thakibo lage, kintu Haitian bhi hoibo pare… ekta kotha pakka ase, tai Black ase!” Notun film tu Jeff Fowler (Sonic the Hedgehog director) direct kuribo, aru Amazon MGM Studios produce kuribo. Film tu classic comedy-mystery series laka modern version hobo koi kina expect kora ase. 64 years old Murphy etia The Pickup film promote korishe, aru upcoming Shrek 5 aru George Clinton laka funk music biopic te bhi kaam kuribo ase. Tai koishe: “Age dangor hoi ja karne, moi laka role bhi change hoishe —pura dynamic young maverick pora, etia moi old voice of reason bhan jaise.” Peter Sellers aru Steve Martin juntu legendary actor ase, tai laka role loina Murphy bhi pressure thakibo. Kintu bishi manu bishwas kore Murphy laka comedy talent aru confident personality Inspector Clouseau ke notun energy logai dibo. The Pink Panther fans excited ase dekhibole Murphy ki koribo etu funny aru clumsy detective role logot. Film tu early development stage te ase, aru update laka intezar cholibo juntu casting aru story laka details bhal pora janai dibo.