India laga schools aru colleges toh ekta jaga juntu bacha khan ke sikhai diya nohoi, kintu bhal citizen banai diya jaga bhi ase. Kintu ahibole din te, India laga education system ekta dangor challenge face kuri ase — polarization, mane political aru social divide, juntu aste aste classroom bhitor te jai ase . Textbook para college debate tak, ideology laga influence education laga asli spirit ke overshadow kuri diye ase.
School level te, bishi state te textbook change kuri diya ase. Kunba chapter — jaishe Mughal history, secularism, aru civil rights movement — hatai diya ase. Bishi manu khan etu ke politics laga influence buli koi ase. Government syllabus change kuribo pare, kintu etu academic reason karone hobo lage, politics karone nohoi. Jodi education political propaganda hoi ajbo, tate student khan independent bhabi bole naparibo, aru education laga main aim — thinking aru questioning — khotom hoi jabo.
University level te etu aru beshi bura dikhi jai ase. College aru university juntu jaga debate aru discussion kuribo thakishe, etiya political fight laga center hoi jai ase. Student group khan political party ke follow kuri, campus te confrontation create kuri ase. Jitu student aru teacher alag opinion rakhe, tate target kuri thake. Etu karone fear aru mistrust barhi jabo. Education juntu questioning aru analysis sikhabo lage, etiya student khan ke divided aru biased banai diya ase.
Etu problem classroom bhitor tak nohoi, bahar society te bhi effect kuri ase. Jetiya education politicize hoi jabo, society bhi divided hoi jabo. Bacha khan ke diverse aru secular India sikhabo badle, etiya ideology laga echo chamber bhitor bosai diya hoi ase. Jodi etu continue kuri jabo, future generation khan bridge banai nohoi, divide banai jabo. Etu India laga secular aru inclusive identity ke danger te rakhi ase.
India ke ahibole time te ekta balance education system lage — juntu neutral aru inclusive hobo. Curriculum change kurile expert panel laga opinion loi kina, transparent process rakhile bhal hobo. Teacher khan ke bhi empower kuri dibo lage jate tai khan bhoi nohoi kina discussion chuli bole paribo. Parents khan bhi dhyan rakhile bhal — bacha khan ke questioning habit sikhabo, blindly accept nohoi kina. Classroom ekta open thinking laga jaga thakibo lage, politics laga battlefield nohoi.
India laga strength ase diversity — language, culture, religion, aru thinking. Jodi classroom te etu diversity maintain nukorile, future generation divided hoi jabo. India laga future khali depend nakure ketiya students khan exam top kore, kintu ketiya tai khan bhal para bhabhi bo pare, empathize kuribo pare, aru peacefully coexist kuribo pare. Polarisation laga age te, classroom hai India laga sobse important frontier ase.
Add Comment