Eduaction moi khan laga jeevan teh bishi lage ekta chis ase. Manu aro society nemete kam taka ase. Kitap puria toh moi khan ke knowledge, skill aro understanding te bishi modop kuri. Education thaka manu bhal decision lobo pare, duk suk khan bhi face kuribo pare, aro future bhi bhal banai dibo pare.
Manu khan karne toh, education toh ekta bishi lage chis ekta ase, karon toh education thake leh toh thinking power, creative idea aro kisim kisim problems khan solve kuribo pare. Education pora manu ke mon dangor banai de aro alak manu khan ke bhi kotha kuri bolr pare, modop bhi kuri bole pare. Choto bacha para dangor khan sob loi kina, education toh sob manu karne ekta bishi life teh lage chis ase ekta ase. Moi khan laga sapna khan achieve kuribole, bhal job khan pabole aro life toh alak kuribole karne education thakibo lage.
Education society ke age jabole modop kuri. Manu khan ke respect kuri bole, problems khan nama bole aro sob manu ke peace te thakibole education etu khan sop teh ekta dagor role play kuri. Educated manu khan toh ki bhal, ki biya ase sob jani kina thake, aro moi khan education thakishe koile toh community, nation khan ke bishi modop kuri bo pare.
Education toh job khan karne hai lage nohoi, kintu moi khan laga mind, character build kuri de aro manu khan bhi smart hoijai. Sob manu bhi aro ekbar bhabibo lage kinika nijor bacha khan ke sob se age education toh dibo lage.
Peshi manu pahpe ke education laka matal toh phal pora school jabo lakhe aro phal pora marks pa pole lakhe. Aro konba toh phaphi ke tai khan phal school naholi le sob se dam laka scholl te jabopora phal education paishe. Etu khan sob kalti ase. Ketal pora aro marks phal pha toh education nahoi. Asol education toh ekta manu ke phal manu ( good human being) ponabole moto korea. Duk te taka manu ke motot korebole. Etu duniya te taka manu khan ke keneka koreke ne phal rasta te logabo.
Ami khan sai le ekta pacha laka education toh tai laka khoor pora shuru hoi. Ekta pacha ke Ma aro papa pora khor pora ke shekai etu he asle education ase. Ekata khhor te papa aro ama pora tai khan laka pache ke mesa kota nakobo le lakhe. Aro hotai manu ke respect korebole lakhe, manu ke motot korebole kahe aro ek jun ek jun ke morom korebole lakhe koikena sekai le education laka asol meaning toh pai jai.
Aji kali ma aro papa khan pora tai khan laka pacah ke phal pora prekena dangor manu honole koi. Tai khan laka pacha ke peshe poisa ponabole koi. Keman poisa ase eman dangor manu ase.
Etu pora pacha khan phaphe ase education to ketab pora he ase. Hoi le bhi asli education to manu pora ek ta manu ke keneka korekena morom korebo etu he ase education ase.
September 2, 2025
Add Comment