Education te notun courses halibole lakae.

India laka education system te beshi important courses khan nathakia beshi ase. Alak countries khan laka courses te compare kurele beshi komdi courses ase edu neshina courses khan bara alak countries laka education lokode ekdam compete kurebole nabari. India te aji kali batcha khan beshi dimal bahal ase aro ki laka course hoilebe ,kiman dan hoilebe students khan shekebole capacity ase. Indian education te India laka bura states laka bhi courses halibole lakae, kindu beshi manu khan bara Northeast laka states khan najana bhi beshi ase. Edu karne northeast manu khan alak states te buribole ja samoi te racism beshi face kure, kindu amekhan sabole beshi alak ase aro khan lua bhi  beshi alak ase, dusra states lokode saile. Edia tak beshi important course nathakia toh sex education bhi ase. Edu sex education laka courses bhi Indian education te add kurele beshi bahal hobo. Amekhan edia tak bhi schools khan ke science laka subject te manu laka reproductive system khan laka topic nahoile subject thakia samoi te ,teachers khan edu ke detaila bara students khan ke shekabole nahoile explain kurebole eman sorom khai aro edu bara kali teachers khan he nahoi abtcha khan bhi sorom khai aro edu karne situation ke beshi biya kure de. Amekhan laka body parts toh esor bara eman bahal bara bonai she aro body te ke ase edu sob manu laka eke ase. Edu body toh keneka function kure aro ke bara ki kam kure edu khan sob janebole beshi zarori ase. Reproductive system te maiki aro mota laka ki difference ase edu khan sob sheke bai aro edu sob maiki aro mota karne bhi janebole beshi important ase. Alak countries te toh sex education te bhi beshi important te kindu edu bara jawan khan ke beshi chez bara prevention aro batchabole karne beshi motut kurebole de. US laka college ekta te ,edu sal jua moina te pornography laka course de ase koishe edu laka classes te teachers aro students khan sob eke lokode melai kina pornography laka video sai . Aro edu course toh three credits karne ase aro edu “Film 3000” laka curriculum te part ekta ase koishe. Edu college laka nam toh Westminster College ase. Edu course toh kele halishe koile, edu bara students aro professors khan ke race, class aro gender laka sexualization karne experiment kurebole karne ase koishe. Edu course add kura karne sob college officials khan bara kushi ba nai kindu beshi wala khan koishe ki students khan lokode eke loko video sa toh ekdam thik nai koishe. Duniya laka advancement ahia lokode education laka mamla de bhi eman batlav ahibo eneka toh ekdam bhabna he nai. Edu laka idea students aro teachers khan eke lokode sabole laka toh ektam asan kam nahoi aro edu te adapt hobole beshi dektar hobole ase. India te toh edu neshina system ahibole beshi samoi ase aro hoilebe,  edia tak karne colleges khan te sex education laka youth khan ke educate kurebole beshi important ase . kindu edu bara college students khan laka knowledge ke bhara bole beshi motut kurebo aro youth khan mesa mesi eku najani kina kalad kam nakuribole nejor ke batchable baribo ahia samoi de. Duniya te manu khan bhi beshi wala hoi ase aro edu toh beshi bak manu khan eku planning nathaki kina batcha ba bara bhi beshi hoi. Edu bara baria tak manu khan hoshiar bara thaki kina ,total population laka hisab te government bara kiman batcha babole karne koishe eman he rakhibole kosish kurebole lakae. Aro edu khan sob toh keneka achieve kurebo koile , aji laka batcha aro youth khan ke awareness programmes aro seminars khan laka motut bara aro kidab bara bhi beshi educate kurebole baribole ase. Edu bara kali manu komdi hobole he nahoi ,resourses komdi hua bara bhi batchibo aro duniya laka climate change laka mamla bara bhi batchibo kindu manu kiman beshi hobo eman beshi advancement aro development bhi ahibo aro edu bara duniya laka natural resourses bhi komdi kuridibole beshi  chances ase.