Egypt Covid Hospital te jui para 7 jun morishe

Cairo,Egypt: Saturday din Egyptian capital Cairo te  private hospital ekta te coronavirus bemari manuh elaj kori thaka khan komti hoilebi jui para 7 manuh morishe aro manuh besi jokom paishe koikena local sources para media logot khobor thishe. El Obour laga Misr Al Amal Hospital te 9 am samai jui toh olaishe, etu jaga toh 30 km (19 miles) northeast central Cairo jaikena ase. Investigations hesab te jui toh electrical fault nemite thakishe, koikena security aro medical sources para koishe. Hospital toh bondh korishe aro bemar manuh khan logot Cairo laga public hospital te loikena jaishe, khobor toh source para koishe. Egypt te jaa hafta coronavirus cases toh othikena ase. Saturday din Health ministry para 1,189 notun cases record korishe aro 43 manuh morishe. Etu sob cases melaikena bemari soruh beche 131,315 cases hoishe aro 7,352 morikena ase. Health experts aro government officials para koishe, hosa numbers toh besi othikena thakibo hoilebi PCR testing komti kora nemite aro private test results namila nemite rate toh komti ase.