Egypt pora 3,000 sal purana Ancient Tomb aro Sarcophagi khulise

Luxor, Egypt, 25 November: Saturday din southern Egypt, Luxor jaga deh coffin nakholikena thaga Egyptian authorities khan pora ekta maike laga mummy khulise. Aro etu toh 3,000 sal pora be besi sal laga mummy ase. Sarcophagus aro ancient coffin toh etu agae moina French-led mission khan pora tuita powah laga ekta ase. Tai khan pora northern area El-Asasef jaga deh powah laga ase. Etu agae deh first wala khula thakise aro  Egyptian antiquities officials khan pora examine kora thakise. Ekta sarcophagus toh rishi-style thakise aro etu toh 17th dynasty laga thakise. Aro tusara wala sarcophagus toh 18th dynasty laga thakise koikena Minister of Antiquities Khaled Al Anani pora janaise. Tai pora tuita tombs debe mummies pethor deh thakise koise. Desh toh etu powah pora pahar desh tak naam ocha hobole aro travellers khan majode be interest hobole biswas kori ase. Etu agae deh manu khan pharaonic temples aro pyramids nemide jama howah thakise.