PARIS, november 28 : Paris te thaka Eiffel Tower laga seri (stairs) laga ekta section toh 170,000 euros para Tuesday te sell hoishe. Etu toh auctioneers para announce korishe. Poila laga dam (value) para three times opor sell hoishe.
Etu toh Middle East collector para 169,000 euros ($190,000) para kenishe. Auction bid toh French capital te hoishe.
Auction house Artcurial koishe etu laga sale price 40,000 para 60,000 euros majote ase.
Seri(stairs) toh 4.3 metres(13 foot) ucha ase. Etu seri toh private Canadian collection laga hissa thakishe. Etu laga saal toh 1889 ase. Etu seri toh legendary French engineer Gustave Eiffel para banaishe. Etu 324-metre seri toh Paris Universal Exhibition laga centerpiece thakishe.
Deri nohoi kena etu Paris skyline laga sob se bhal hissa hoishe. Etu toh France laga sob se visit kora monument ekta hoishe.
Etu toh etiya bhi desh laga third tallest structure ase. Etu toh duniya laga sob se ucha building 41 years tok thakishe. Etu pichote 1930 New York te Chrysler Building banaishe.
Seri toh 1983 te building para hataishe lift banabole. Etu ke 24 sections te katishe. Etu laga range toh 2 meter para 5 meter tok thakishe.
Bishi toh museums para kinishe aro kunba seri toh duniya laga prestigious sites te lagai dishe.
Artcurial para tower laga alag sections bekai dishe. Etu toh 14 seri he thakishe. Seri toh 2016 te Asian buyer para 523,800 euros para kenishe.
Add Comment