Goa, 7 November : FIDE Chess World Cup 2025, jun Resort Rio Convention Centre, Goa te cholise, tate India laga aath jon player laga fate second-round tiebreak te decide hobo. 17 jon Indian player juntu Round 2 te entry loise, tate paanch jon – D. Gukesh, Arjun Erigaisi, Pentala Harikrishna, Diptayan Ghosh aru Karthik Venkataraman – already Round 3 te reach kori loise. Char jon eliminate hoise, aru baki aath jon aji tiebreak te compete kori ase.
Aath jon Indian player juntu aji second-round tiebreak te kheli ase, taikhan hoise – R. Praggnanandhaa, Vidit Gujrathi, Nihal Sarin, Pranav V, S.L. Narayanan, Karthikeyan Murali, Pranesh M aru Raunak Sadhwani.
Round 2 te dui draw game pichete, Vidit Gujrathi tiebreak te Faustino Oro ke harai kene Round 3 te punchi jaise, aru itihaas te youngest participant ke eliminate kori dise. Pranav V aru Pranesh M bhi Vidit laga pichhe follow kori kene nijor tiebreak jeeti Round 3 te qualify kori loise. Tai birodh te, Nihal Sarin aru Raunak Sadhwani required win nate pai kene tournament laga early stage te eliminate hoise.
Dramatic situation te, last edition laga finalist Praggnanandhaa tough time face kori ase Temur Kuybokarov logot, juntu match 10+10 rapid game te 1-1 draw hoise.
10+10 rapid game te draw hoa pichete, tin jon Indian player – Praggnanandhaa, S.L. Narayanan aru Karthikeyan Murali laga fate etiya 5+3 blitz tiebreak te decide hobo.
Add Comment