Nevada City, February 19, 2026: California te, Lake Tahoe osor laga mountain ekta te snow gerea te, eight ski kurea manu mure kena pai she, aro ek jun ke napai kena ase koi she. 40 sal laga betor te, US te etu sob se manu mure she avalanche te.
Nevada Country Shieriff Shannan Moon para news conference te koi she ki, authorities khan para hare ja manu khan laga ghor manu khan ke koi de she ki, etia toh bacha bole laga mission nahoi kena, body besare bole laga mission te jai jaishe. 1981 te, US te 11 mountain uthea manu mure she Mount Rainier te, snow toh gere ja karne.
Snow toh Tuesday laga phojor te gere jai she koi she. Besare bole aro bacha bole laga team khan Castle Peak jaga te punchi jai she, 911 laga call pa piche te, call te koi she ki 15 manu snow laga betor te phasi jai she. Six manu toh namure kena pai she. Utu group khan toh tin din laga trek karne jai she Sierra Nevada te.
Duajun ke toh beshe ghanda piche te pai she, aro hospital te loi jai she. Beshe snow gerea karne team khan be kam kure bole duk pai jai she.
Add Comment