September 17, 2025, 07:40 PM: Ek din laga free Mega Health Camp loishey, officer khan aru staff khan nimitey, itu Nagaland Civil Secretariat laga, Nagaland laga Civil Secretariat Plaza, Kohima tey, 17th September, 2025 tey.
Home Commissioner, Nagaland, Abhijit Sinha, IAS para tai laga address tey, koishey kitya Tikvah Healthcare Private Limited, Dimapur para Nagaland Civil Secretariat ke approach kurishey, ekta health camp conduct kuriboley, tai khan itu idea toh welcome kurishey, kiley koiley tai khan realize kurishey eneka nishina laga health camp toh hoiley itu Nagaland Civil Secretariat laga officer khan aru staff khan ke benefit kuribo, kiley koiley bishi bhak toh tai khan office laga assignment khan tey hey busy thaki thakey, tai khan nijey laga health karney bishi nabhaba hoi jai kena nahoilebi nijey karney care nakuria hoi jai kena, kuntu toh tai khan asol toh care kuriboley lagey, aru itu nimitey tai para aru jainaishey ki, health toh hoiley bishi important wealth asey koi kena, manu khan bimar nahoa tak tai khan realize nakurey, itu laga value toh.
Tai para Tikvaha Healthcare Private Limited ke acknowledge kurishey, kun khan itu Amrita hospital logotey collaborate kuri asey, itu mega health camp conduct kuriboley, super specialized setup, expert khan aru doctor khan thakikena logotey, aru tai para sob staff aru officer khan ke encourage kurishey, Nagaland Civil Secretariat laga, ekta opportunity loboley karney, kuntu toh hoiley tai khan laga darwaza tey ahi kena asey, itu healthcare tey partake kuriboley karney, alag jaga khan tey najai kena, treatment karney.
Add Comment