June 30, 2026, 6:40 PM: Ekta ek-din laga orientation programme loishey,itu 15th Finance Commission Health Grants Components laga implementation opor tey, kuntu toh hoiley Municipal Affairs laga Directorate para organize kuria laga thakishey, itu National Health Mission (NHM), Nagaland, logotey collaborate kuri kena, De Oriental Grand, Bayavü, Kohima tey para, 30th June, 2026 tey.
Itu programme toh hoiley, ekta welcome address logotey shuru hoishey, Municipal Affairs laga Directorate aru Nodal Officer, 15th Finance Commission (Urban) laga Joint Director – Wachusie Katiry para.
Municipal Affairs laga Director – Temjenrenla Kechü para tai laga keynote address tey , itu 15th Finance Commission Health Grant aru itu orientation programme ki karney kuri asey itu laga objective khan outline kurishey. Tai para koishey itu India Government toh hoiley, itu grant introduce kurishe, basic healthcare service khan majbut kuriboley karney, urban aru rural area khan tey, local body khan through para, itu itya thaki thaka health infrastructure logotey.
Tai para note kurishey ki, itu scheme toh hoiley, itu COVID-19 pandemic tey expose kuria gap khan dikha pichetey conceptualize kuria laga thakishey, healthcare delivery tey, kuntu homoi tey hospital khan toh bishi bimar manu para bhorta hoa homoi thakishey. Itu nishina issue ke address kuriboley, itu India Government para Urban Health aru Wellness Centre (UHWCs) khan introduce kurishey, healthcare aru basic diagonistic service khan provide kuriboley karney, itu neighbourhood level tey.
