July 04, 2025, 05:58 PM: Ek din laga training, duita batch khan tey, Free Diagnostic Service opor tey Lab Technician khan laga, District khan laga, itu State under tey, shuru hoishey, 3rd July, 2025 tey, itu Health & Family Welfare, Kohima laga Directorate laga Conference Hall tey. Itu training toh hoiley collaboration tey organize kurishey, itu Regional Resource Center- North East, Guwahati (RRC-NE) logotey.
Itu khata program laga homoi tey, technical session laga agetey, Dr. Raj Prabha Moktan, Director, RRC-NE, Guwahati para state kurishey ki, Lab Service khan toh hoiley bishi crucial asey, kitya health laga kotha hoishey koiley, kiley koiley itu toh hoiley khali clinical health service karney ekla important nahoi, itu toh hoiley prevent kuriboley laga public health nimitey bhi important asey, kiley koiley itu toh hoiley sob health service khan provide kuri kena thaka logotey link thaki kena asey, koishey tai para.
Add Comment