Agencies, 20 September: Investigators khan pora janaideya hesab de, Wednesday din Wisconsin software company de kum kori kena thaga manu pora tai laga sathi eki-logode kum kora ke bondukh marikena moraidese. Police khan pora shot kaora agae de tinjun manu ektum beya pora jokhom hoi kena thakise koise. Aro tati kum kori kena thaga manu khan building pora pola thakise nahoile pethor de logka thakise koise. Middleton Police Chief Chuck Foulke pora kowah toh, tai khan ke hamla hoi ase koi-kena 8 minute howah bechide hamla kora manu ke amoraidese koise. Foulke pora kowah toh, etu hamla kora manu ke semi-automatic petol logode extra goli khan besi thakise koise. Aro tai ke mari hamla nakora agae de, officers khan logode hamla kora thakise koise. Foulke pora hamla howah time de tinjun manu ke ketum beya pora ejokhom paise koise. Aro tusara jar-jun ke goli lagi kena ase koise. Police khan pora kowah toh, etu hamla kora manu laga main aim toh ke ase jani-powah nai aro investigators khan pora he hamla kora manu ke target rkorise na kon ke korise jani-powah nai koise. Tai (police) pora hamla kora manu laga naam toh jaanideya nai. Hoilebe tai kowah hesab de, etu hamla kora manu toh WTS Paradigm de kum kori thaga manu ase koise. Aro etu manu toh Madison osor de thaga manu ase koise.
Add Comment