Ek sal piche deh Tiger keh diki shae, Arunachal laka Namdapha National Park deh

September 24, 2024: Namdapha National Park & Tiger Reserve (NNP&TR) deh taka ekta camera trap para tiger laka ekta photo kichi bole pari shae. Enaka hua tho ekta dangor sighting keh mark kuri shae, ek sal piche deh. Park officials isap deh, tiger tho August mohina deh capture kuri shae, reserve laka core jaka deh. Etu laka agae deh ekta park staffer para tiger keh diki shae kui shae, Miao-Vijaynagae rasta deh. Tai para etu sighting tho April mohina deh banai, hoile b enaka time deh camera evidence pabo leh para nai. Etu sal laka tiger sighting tho park laka bishi bhal biodiversity aro conservation efforts karne ekta testament ase. 2023 sal deh, camera traps para tiger laka tuita photo keh capture kuri shae, reserve pitor deh. NNTP&TR Director VK Jawal para recent sighting deh taila kushi tho express kuri shae. “Etu exciting development tho region deh taka tireless conservation efforts keh underscore kureh aro unique ecosystem laka biodiversity keh highlight kureh. Jawal para fringe bosti deh taka residents kan keh b taila thanks di shae, vital ecosystem keh support kuri bo karne taikan laka support dia karne.