May 04, 2024 : Peren laga Police para Thursday tey, ekjon man uke dhurishey, Zunheboto district para, rape laga charge tey. Ekta statement tey, Peren laga SP- Manish Bhartiya para koishey ki, ekta written complaint kuntu toh hoiley paishey, Women Police Station tey, Jalukie tey, May 01st, 2024 tey, ekta bacha laga rape laga opor tey, ekta osor laga relative para kuria laga.
Itu complaint pawa pichetey, ekta FIR toh hoiley lodge kurishey, aru ekta case toh hoiley register kurishey itu Women Police Station tey, itu accuse laga against tey. Itu police toh phat para itu opor tey action loishey, aru itu accuse laga ghor tey jaishey, hoilebi itu accuse ke toh tatey napai kena thakishey, tai kot hari kena thakishey, dhuriboley napri kena thakishey.
Hoilebi consistence effort pichetey, local intelligence laga aru technical surveillance laga modod loi kena, itu accuse ke last tey toh dhuriboley parishey, Zunheboto district tey para, itu complaint kuria laga dusrra din tey, SP para koishey.
SP para koishey itu opor tey aru bhi investigation toh hoiley kuri asey, kuntu toh hoiley underway tey asey, facts khan toh janiboley aru evidence khan jama kuriboley, aru itu homoi tey he tai para itu victim aru family members khan laga privacy nimitey appeal kurishey.
Add Comment