Ekjun pora 3 sal bacha mukh uporte Diwali bomb halishe

MEERUT, November 8, 2018: Meerut te ekta noha chokra pora ekta tin sal maiki bacha laga mukh te diwali laga bomb halidikena   biya pora jhokom kurai dishe  .Etu khobor toh police khan pora Wednesday din te koikena janaishe.Etu huwa pichede etu maiki bacha ke osor te thaka medical facility te luijaishe etu time te janaishe  tai laga condition thik nai koikena  .Etu hadsaa toh   Milak village Daurala road Tuesday din te huwa ase.Etu chamela te police khan pora ekta  FIR kurishe etu manu uporte aro etia tai khan tai ke bisari ase .  Shashi Kumar etu maiki laga baba pora tai laga complaint te ekta juwan chokra   Harpal, kun   tai laga maiki bacha logote jaishe kun pora bahar te khili thakishe  etu time te tai pora etu maiki bacha laga mukh te sutli bomb halidikena  julai dishe.Etu bomb phuta toh etu maik laga mukh te   phuta ase aro etu pora tai biya pora jhokom paikena thakishe  .Tai laga uporte 50 stitches kurishe aro tai laga gola te infection paikena thakishe   etu pora tai laga condition biya thakishe .