New Delhi, 7 April : Sunny Deol etiya laga upcoming film Jaat karone ready hoise, aru itu film April 10 tarik te cinema hall te release hobo.
Release laga din ahibole age, actor Olympic medalist aru legendary boxer Mary Kom logot bhi bhet korise. Taikan laga photo khan etiya internet te ghumti ase.
Picture te dekha jai, Sunny ekta grey jacket aru jeans porise, aru Mary black kapor porise. Duijan ek-logot side te ubha thaka dekha jai. Ekta photo te duijan ekdom serious boxing pose te pose dise.
Sunny Deol laga upcoming film Jaat te Randeep Hooda, Vineet Kumar Singh, Saiyami Kher aru Regina Cassandra bhi ase. Itu film te ekta jabor North aru South laga mukabla dekha jabo, junte Sunny ekdom dangor villain Randeep Hooda logot face-off koribo.
Sunny Deol, jun last time blockbuster Gadar 2 te dekha dise, etu Jaat film release hobo karone dangor excited ase.
Jaat film ke Mythri Movie Makers aru People Media Factory milaike banaisey.
Add Comment