March 29, 2025, 07:28 PM: Nagaland laga Kohima district tey, ekta notun kapra laga store khulishey, ‘Zudio’ koi kena, kuntu toh hoiley Nagaland tey khula laga 2nd outlet asey; affordable & stylish kapra laga store Zudio toh hoiley itya Kohima tey khulai loishey.
Itu store khula homoi tey, ekta grand opening kurishey, tatey ribbon khan kati kena, Aneu Pusa para, kun toh hoiley Proprietor Dr. Elivil Pusa laga Ama asey, tai para katishey koishey, aru itu event toh hoiley March 29th, 2025 tey loishey.
Zudio toh hoiley Secretariat Road, Opp. KFC, Kohima tey located thaki kena asey, koishey.
Zudio store toh hoiley Keav Enterprise para introduce kuria laga thakishey. Zudio toh hoiley Trent (Tata Group) laga ekta brand under laga asey, kuntu toh hoiley tai khan laga nijey laga private label khan opor tey focus kurishey.
Itu store tey, bishi alag alag range khan laga, Mota & Maiki laga kapra khan, bacha khan laga bhi kapra khan, accessory khan, beauty product khan, theng laga juta chappal khan aru bhi alag alag bishi thakiboley asey, bhal daam para..
Zudio laga saman laga daam toh hoiley ₹ 29/- shuru hoi, koishey.
Maiki khan laga western wear, accessory khan & beauty product khan toh ground floor tey available asey. Maiki khan laga Indian & Bacha khan laga kapra khan toh 1st Floor tey available asey; Mota khan toh top floor tey available asey.
Add Comment