Pennsylvania, 12 April 2025: Pennsylvania para manu ekjun federal cutody de ase, U.S. president Donald Trump, Elon Musk aru high profile government officials khan ke death threats diya karone. Suspect tu 32 –year Shawn Monper koise. Authorities khan para koise ke Monper tu high profile government officials laga biya statements khan post kuri takise, dai laga youtube channel bi ase “Mr.Satan” laga username de juntu de dai vedios khan bonai kena death threats khan post kuri takise koise.
Monper laga activity tu google para notify kurise FBI ke. Google agency khan para etu bi koise ke Monper laga livestream ekta de dai declare kurise ke Tump ke mrch 4 laga congress session de muria divo koi kena, etu laga incident para federal authorities khan para investigation suru kurise.
Etu deaths threats laga opor FBI para investigation kurise aru Monper ke dhuri se Wednesday din de. Charges khan lagai se Monper opor de ke federal offcials aru law enforcement officers khan ke retailate laga inzam de.
Investigators khan para etu bi confirm kurise ke Monper tu death threats hi nahoi kena arms aru ammunitions khan ke takise mass shooting kurivolae koise.
Federal prosecutors khan para etu bi koise ke Monper para Imigration and customs Enforcement(ICE) agents khan ke bi threats de se.
Monper tu Butler town para ase juntu de Trump rally tiya time de olob para assasination hatsa para baji kena olaise july 13 ekta campaign de.
Add Comment