April 21, 2024 : Dimapur tey Hill View colony tey thaka laga St. Stephen Higher Secondary School tey dangor jui lagishey koi asey, itu ghanta hoa toh hoiley Sunday 21st April, 2024 tey, shaam 4:00 pm nishina phaney hoa laga asey koi asey, khobor jana hisap tey, aru itu jui jula laga ghanta hoatey School laga store room aru generator laga room tey jui lagishey, eneka jui dangor lagi lebi, itu St. Stephen Hr. Sec. School laga class room khan tey toh jui laga nai koishey. Jui laga toh rukha boley karney west para ektaaru central fire station para ekta fire brigade deploy kurishey aru itu jui ke bujha boley parishey koishey. Tatey manu khan para koa hisap tey, itu jui lagi jawa laga reason toh short circuit hoanimiteyasey koi kena janai shey. Itu ghanta hoa tey kiman kiman nishina nahoi lebi kiman kiman daam laga loss hoi kena asey itu toh hoiley itya bhi khobor napai kena asey koishey.
Ekta Dangor Jui Lagishey, St. Stephen Hr. Sec School Tey, Dimapur Laga
Add Comment