Headlines • National

Ekta-ekta laga ‘territorial integrity’ te respect koribo lakae

November 10, 2020
19 Views

Agencies, 10 November: Tuesday te Shanghai Cooperation Organisation (SCO) laga 20th summit Russia para chair korikena virtually lowa te, Prime Minister Narendra Modi para SCO region toh connect thakibo nemide ekta ekta laga sovereignty aro territorial integrity te respect koribo lakae koise.

Virtual summit te Chinese premier Xi Jinping be first time Ladakh border standoff bechide PM Modi logode platform share kora thakise.

PM Modi koise. “SC O agenda te bilateral issues anibole nemide par par kosish toh korise. Etu para SCO Charter aro Shanghai Spirit te violate kori. Etu nesana kosish para SCO te spirit of consensus aro cooperation te kelaaf kori”.

Aro koise, “India toh connectivity besi phal koribole nemide, ekta ekta laga sovereignty aro territorial integrity te respect kora laga basic principles logode agae jabole lakiya  biswas kori”.

Summit te Russian President Vladimir Putin para chaired kora thakise aro Pakistan Prime Minister Imran Khan be tusara aha khan majode thakise.

PM Modi koise, aji kali epidemic nemide ektum dekthari samai te, India laga pharma industry para kaam laga dawai toh 150 opor desh ke pothaishe. Duniya laga sobse dangor vaccine bona deshe, India para v accine production jolabo aro capacity debo kelay koile pura humanity te motob  debole aro etu dekthari samai fight koribole nemide”.

Aro koise, “United Nationa para 75 sal kothom korise. Hoilebe besi kamiyaab bechide be, United Nations laga basic goal toh kothom nahoi kena ase. Duniya para epidemic nemide economic aro social dekthari powa te, UN laga system te kaam laga putli anibole bhabona kori ase”.

Modi para be Chinese President logode virtual platform toh November 17 direk BTICS meeting aro November 21-22 direk G-20 summit te share kora thakise. Etu tuita leaders para last choi sal pithor te komti hoilebe eight par lok korise hoilebe last time March 26 direk platform share kora toh COVID pandemic opor te virtual G-20 gathering Saudi Arabia te lowa samai thakise.

India aro China majode border issue te disengagement aro de-escalation laga sign toh nai. Etu agae te tuita desh para eight rounds of military talks, six rounds of diplomatic talks  aro komti hoilebe Indian and Chinese NSAs, Defence ministers and External Affairs ministers majode ek par face-to-face meeting loi kena ase.