Paris, 19 May : Ballon d’Or award ceremony ei saal September 22 te hobo, aru etia first time hobo juntu te women aru men laga award number ekbarah hobo, organisers khan Monday te koi dise.
Award list te ei saal noutun add kora ase: best women’s goalkeeper, best young women’s player, aru top women’s scorer (club naihoile national team te sabse beshi goal kora player), juntu Theatre du Chatelet, Paris te hobo, France Football magazine aru UEFA mila ke organize koribo.
Itu matlab, etia male players khan laga jonno 6ta award thakibo aru female players jonno bhi 6ta award thakibo. Ekjonno alag prize bhi ase — Socrates Award — juntu solidarity promote kora kaam jonno dise, aru itu manush naihoile mohila dujon jonno applicable ase.
Nominees khan laga naam August surute announce koribo.
Last saal laga award ceremony Real Madrid laga boycott te overshadow hoise, karon tai janise jeni Vinicius Junior ke best men’s player award nai dise, aru itu award Manchester City laga Rodri ke dise.
Add Comment