Agartala, October 24, 2024: Wednesday morning te, jail te thakhea manu tai laga cell para hang kuri kina murea toh dikhibo parishe koishe, State laga Central Jail Pradhurampur laga Bishalgarh te. Etu manu toh Dilip Debbarma ase koishe.
Police laga hisab te etu Dilip Debbrma (34) toh jail te 8 saal karne thakhea ase koishe. Tai toh rape kurea laga charge te dali kina ase aru tai toh bishi din karne mun duk hoi kina thakhea toh dikhibo parea ase koishe. Utu morning te, jail laga guard para tailaga room laga dorwaza khuli shele hang kuri kina murea toh dikhishe, aru alak jail laga guards khan kebi phat khobor toh janai dishe. Taike Ceiling para wapas mati te anea pichete Dilip ke Bishalgarh laga Hospital te loi jaishe koishe, hoilebi doctor para murishe koikina na khobor dishe.
SDM (Bishalgarh) toh Ex Officio Authority of Jail ase koishe, aru taike contact kuribole naparea koishe, etu Dilip Debbarma toh nijor ke murai karne. Hoilebi tai laga body ke investigate kuribo koishe.
Add Comment