March 14, 2026: Saturday laga phojor te, ekta Jewish school phute she, city laga mayor para koi she ki, kumba manu khan para jane kena Jewish community opor te hamla kurea ase.
School toh Amsterdan laga south side te ase, aro buidling khan toh eman bea hoi nai koi she. Mayor Femke Halsema para press release te koi she ki, police aro fire fighters khan scene te juldi punchi she, etu karne saman khan eman hoi nai. Manu jokhom pa toh report pai nai.
Synagogues aro Jewish laga istituitions khan laga secuirty othai de she Dutch capital te, Friday te ekta synagogue te hamla ho piche, Rotterdan laga centre te. Monday te be, Leige te ekta synagogue phute she, aro jui lagai de she.
Jewish communities opor te hamla beshe ho ase dunia te, U.S. aro Israel khan para Iran opor te hamla kurea piche, aro Tehran be wapas hamla kurea karne.
Add Comment