Kohima, 28 August 2025: Ram Sharma, 57 sal laka ekta electrician Zakhama Military Station, Kohima district te kam kora time te, ekta normal din suddenly ekta life-threatening situation bani jaishe. Powerhouse te duty kori thaka time, electrical flare karone 16% body te second-degree burn paishe. Tai immediately Military Hospital Zakhama te admit kora hoishe, aru infection bacha bole isolation te rakha hoishe.
Army doctors aru paramedics laka expert team treatment shuru kori dishe silver dressing aru antibiotics use kori. Kintu tai laka condition improve nokora karone further test te dangerous bacterial infection paishe. Tai karone stronger antibiotics, collagen-based dressing aru Mupirocin apply kori dishe. Pichite, Hydrocolloid Therapy aru Skin Substitution bhi high precision logot kora hoishe, juntu hospital laka normal capacity exceed kori dishe.
Doctors khan specially eyes, ears aru nose protect kori dishe jate vital organs safe thakibo. Scarring minimize kori bole glycerine dressing aru coconut oil apply kora hoishe.
27 din tak isolation te thaki, pain aru uncertainty fight kori dishe. Tai laka courage aru doctors khan laka tireless dedication karone, Ram Sharma full recovery paishe. Tai laka story resilience, expert care aru hope laka ekta example hoishe, dikhai dishe ke toughest battle bhi jiti para jai.
Add Comment