Sikkim, May 3: Sikkim laga ekta 13 year-old chukri pregnant huina paishey health centre ekta deh visit kura peche deh. Minor toh kun logot relationship thakishey tai ke arrest kurishey.
May 3, 9 pm deh Melli Police Station, Station House Officer (SHO)ba ekta police radiogram receive kurishey. Message deh ekta minor girl laga case report kurishey, aged 13, tai toh Melli, Primary Health Centre(PHC) deh amenorrhea laga complaint luina ahishey.
Urine Pregnancy Test (UPT) laga examination conduct kura time deh result toh positive olaishey. Minor girl toh South Sikkim, Manpur laga resident ba accompany dishey. Report deh koishey ki minor victim chukri bacha toh accused manu logot deh one and half years eke logot thaki thakishey.
Minor Victim toh Jorethang Police Station deh examined kurishey. Hoilibi event kan laga sequence hisab ba tai laga pregnancy hoishey koina toh thik ba FIR file deh establish kuribo naparey. Chukri toh mentally fatigued thakishey late hour karney, aro taikey Child Welfare Committee (CWC), Namchi deh refer kurishey counselling aro examination peche deh.
Kalden Zangmo Bhutia, CWC Namchi District laga chairperson aro alag members kan ba ekta written report received kurishey, Chukri logot puch tash kura peche deh janiboley ahishey ki tai accussed thaka manu logot ekta relationship deh takishey koishey aro utu manu toh tai laga husband ase koishey.Tai toh 2023 April ba luina Manpur, Kitam deh beer factory laga osor deh tai logot thaki thakishey koishey.
Victim ba Melli PHC May 3, 2024 deh visit kurishey aro tadey tai toh 6 months pregnant ase koina confirm huishey. Manpur Kitam deh etu occur huishey koi ase.
Namchi laga District Child Protection Officer (DCPO) ba investigate kura peche deh minor chukri ke Namchi laga under CWC shelter home deh admit kuri dishey. Accused toh arrest huina ase aro etu case toh currently under investigation ase.
Case toh Jorethang Police Station deh registered kurishey aro futher update kan toh investigation progress kura laga hisab deh janibo.
Add Comment