Mumbai, October 18 : Maharashtra laga Gadchiroli te thaka ekta parivar laga pura 5 jun member 20 din bhitor te ekdam bujibole aro bhayanak halat te murijaisey. Investigation kora picheyte etu janibole parisey ki etu ekey parivar laga duijun maiki para etu parivar laga member khan ke lamba homoi para moraidibole laga sajish kuri thakisey. Etu duijun ke Wednesday (October 18) te arrest kurisey.
Police para koisey, etu duijun maiki majotey Sanghamitra koikina ekjun maiki tu tailaga mota aro mota laga parivar khan para parishan hoikina thakisey aro Rosa koikina dusra maiki tu property nimitey laga lagi huwa karney parushan hoikina thakisey.
Etu duijun maiki para taikhan laga family member ke poision dibole nimitey arsenic – ekta colour, smell aro taste nathaka bhari metal cholaisey.
September 20 te, etu parivar laga member Shankar Kumbhare aro tailaga maiki Vijaya para food poisioning (khana te olta polta hoikina ulti ola) laga sysmptom dikhaisey. Taikhan duijun laga health tu bisi biya hoijaisey. Etu mota maiki laga gao bikhai thakisey aro picheyte taikhan laga gao te poision astey astey para kaam kora nimiteytaikhan laga gao te cardiac arrest laga problem olaisye. Taikhan ke first tu Aheri te thaka ekta local hospital te loijaisey etu picheyte Nagpur laga ekta hospital te noloija agey te taikhan ke Aheri laga ekta local hospital te loijaisey. Shankar Khumbare tu September 26 te murijaisey aro tailaga maiki tu etu laga ekdin picheyte murijaisey.
Etu duijun laga parivar tu taikhan laga murija nimitey dukh pai thaka homoitey taikhan laga baccha – duijun chukri Komal Dahagaokar aro Ananda aro chokra Roshan Kumbhare bi hospital te admit hoisey.
Hodai din taikhan laga halat tu biya biya hoikina jai asey. Komal tu October 8 te murisey, Ananda tu October 14 te murisey aro Roshan Kumbhare tu etu laga next din te murisey.
Parivar laga mora laga khobor hunikina Shnakar Kumbhare laga sobsey dangor chokra tu bimar hoijaisey aro taikey Delhi para Chandrapur te loijaisey. Hoilebi, tai bi ghor wapas aha picheyte tai tu achanak para bimar hoijaisey.
Kumbhare laga driver Rakesh Madavi kun para Shankar aro Vijaya ke Chandrapur te ilaj nimitey loijaisey taikey bi tailaga gao biya huwa picheyte hospital te lojaisey.
Ekjun relative kun para etu parivar ke modod kuribole nimitey Chandrapur aro Nagpur visit kuri thakisey tai bi bimar hoisey aro ilaj laga jarurat lagisey.
Medical officer para koisey ki sob 3 jun bi thik halat te thakisey.
Add Comment